Sjoe, ek weet nie of dit net by die Noodhulpliga is nie, maar hierdie jaar het gevlieg soos g’n ander jaar nie. Ons raai dit is omdat die wêreld oop is na Covid en almal baie besig was … en is ons nie bly daaroor nie!

Teen dié tyd het almal al besef dat Covid 19 se inperking nie nét sleg was nie. Ons het ‘n klomp dinge van onsself en ons wêreld geleer in die proses.

Mizán van Zyl was ons opleidingshoof sedert 2018. Sy het 'n aanbod van 'n korporatiewe maatskappy ontvang en haar nuwe werk begin op 1 November 2021. Ons is bly oor hierdie groot geleentheid en wil haar alle voorspoed wens in haar toekomstige loopbaan.