Die SA Noodhulpliga
Die Suid-Afrikaanse Noodhulpliga (SANL) is geregistreer by die Department van Arbeid (CI BIG 3-03) en funksioneer as ‘n nie-winsgewende organisasie. Met ‘n toewyding aan uitnemendheid, voldoen ons noukeurig aan die minimumvereistes, omdat dit die hoeksteen van ons gehalte-opleiding vorm. Ons missie is om die gemeenskap as geheel te bemagtig, deur relevante eerstehulp inligting te verskaf.
Dit is belangrik dat eerstehulp vaardighede geoefen en bekwaam uitgevoer word. Sedert ons stigting in April 1935, bly ons toewyding tot uitnemendheid, ons dryfkrag. Ons vennote sluit in Medwell, Edna en Eqigate.
Ons Geskiedenis
Die SA Noodhulpliga was die geesteskind van Mnr. George Annandale Nezar, wat in 1934 besef het dat sy moedertaal, Afrikaans, erkenning behoort te kry as 'n taalmedium waarin basiese eerstehulp vaardighede aan Afrikaanse mense geleer kan word.
Die Afrikaanse Taal- en Kultuurvereniging (ATKV), het tydens hul sesde jaarlikse Kongres op 17 April 1935, besluit om hul eie noodhulpbeweging te begin. Die eerste tak van die Liga is op 9 Augustus 1935 in Bloemfontein gestig. In 1954 het die Suid-Afrikaanse Spoorweë die organisasie erken as 'n amptelike noodhulpopleidingsinstansie vir hul werknemers.
Missie
Ons missie by SA Noodhulpliga is drieledig. Eerstens streef ons daarna om vinnige en bekwame noodhulp bystand by geleenthede te bied, met die doel om die veiligheid en welstand van alle deelnemers te verseker. Tweedens is ons toegewyd daaraan om die publiek te voorsien van relevante en opgedateerde noodhulp inligting, wat hulle bemagtig om doeltreffend te reageer in noodgevalle. Derdens streef ons daarna om omvattende noodhulpvaardighede aan individue oor te dra, en sodoende 'n gemeenskap van bekwame noodhulpbeamptes te kweek wat gereed is om enige krisis te hanteer.
Visie
Die SA Noodhulpliga bied noodhulpopleiding aan die gemeenskap sedert 1935. Ons visie is dat individue toegerus word om noodhulp met selfvertroue toe te pas.
Waardes
By SANL rig ons waardes ons optrede en definieer ons identiteit as 'n organisasie. Kennis, Liefde, Diens. Dit is die hoekstene van ons waardes, omdat ons glo in die krag van kennis om lewens te red, die medelye om met liefde te genees en die toewyding aan diensbaarheid, om sodoende ‘n betekenisvolle impak te maak.
Deur hierdie waardes en beginsels na te volg, is ons toegewyd daaraan om 'n positiewe en blywende verskil in die lewens van dié wat ons bedien, te maak, en ons streef voortdurend daarna om die standaarde van noodhulp-opleiding en bystand te verhoog. Saam skep ons 'n veiliger en veerkragtiger gemeenskap, waar noodhulpvaardighede beoefen en gevier word as 'n hoeksteen van gehalte-opleiding en sorg.